Երևանի Կենտրոնում այրվել է Ucom-ի մալուխներից մեկը, ինչի պատճառով ֆիքսված կապի ծառայությունները ժամանակավորապես անհասանելի են
07.05.2025,
14:44
Վերականգնման աշխատանքները կտևեն մինչև 6 ժամ
ԵՐԵՎԱՆ, 7 մայիսի․/ԱՌԿԱ/․ Երևանի Կենտրոն վարչական շրջանում հոսանքի լարման տատանումների հետևանքով այրվել է Ucom-ի մալուխներից մեկը, հայտնում են ընկերությունից։
«Հարգելի բաժանորդներ, Կենտրոն վարչական շրջանում հոսանքի լարման տատանումների հետևանքով այրվել է Ucom-ի մալուխներից մեկը, ինչի հետևանքով այդ հատվածում ֆիքսված կապի ծառայությունները ժամանակավորապես անհասանելի են։ Մեր տեխնիկական թիմն անում է առավելագույնը կապի վերականգնման համար, սակայն պետք է նշենք, որ վերականգնման աշխատանքները կտևեն մինչև 6 ժամ», – նշվում է ընկերության հաղորդագրության մեջ։
Ucom–ից հայցում են բաժանորդների ներողամտությունը պատճառված անհարմարության համար։